El Laude
El Laude , tamién conocida como la procesión d’El Alcuentru , pon fin a la Selmana Santa de Lluanco cola escenificación del alcuentru ente la Virxe del Rosario y Jesús Resucitáu na sablera de La Ribera.
La Virxe del Rosario permanez dende el Vienres Santu na Capiya de la Concepción, en siendo treslladada mientres la procesión de Los Callandinos. El Domingu de Resurrección dambes imaxes avancen amodo sobro el sable hasta atopase , desenvolviéndose entós el ritual más característicu de la celebración.
Mientres la ceremonia , el portador del pendón de la Confrería de Pescadores realiza trés genuflexiones énte la imaxe de Jesús Resucitáu mientres ondea el pendón colloráu sobro el sable ensin llegar a tocala. Coles mesmes, retírase el mantu negru de la Virxe del Rosario, qu’apaez vistida de blancu p’atopase col so Fíu Resucitáu.
La celebración, documentada siquier dende el sieglu XVIII , constitúi xuna de les manifestaciones relixoses más singulares y multitudinaries d’Asturies, estrechamente venceyada a la tradición marinera y a la hestoria de Lluanco.
Los Callandinos
Amás d’El Laude, mientres la Selmana Santa celébrase la procesión de Los Callandinos, na que la Virxe del Rosario, vistida de llutu, ye treslladada dende la ilesia parroquial hasta la Capiya de la Concepción. Coles mesmes, realícense procesiones en distintos puntos del conceyu.
