Sablera de Moniello

Parque mariniegu , con sablera de bolos y piscines naturales.

Moniello ye xuna cala predresa y puertu natural pela rodiada de Lluanco , entá usada como fondeadero pa pequenes embarcaciones y a la que s’apuerta en vehículu dende una esviadura bien señalizada na carretera GO-1, que pasa al llau de la Urbanización de La Corona y que sigue al aparcamientu de la peramplia área recreativa que s’alluga sobro el cantil y cola que forma el Parque Sablera de Moniello. Esti llugar, acondicionáu y con tolos servicios pa esfrutar de la mariña gozoniega mientres díes enteros, ye bien frecuentáu por persones de toles edaes mientres tol añu , qu’alleguen al Parque Sablera a tomar el sol, folgar, caminar, xugar o faer una comida campestre.

Pero ensin dulda el so meyor curiosu son les espectaculares panorámiques del paisaxe costero que pueden almirase pasiando poles sos siendes y praderías, dende la Punta de la Vaca hasta el Cabu Peñes.

Y el so mayor encantu, les poces asitiaes so la Punta L´Agüión, les llamaes poces l´Agüión, piscines naturales que se formen en baxamar nel cantil ente grandes mases de caliar y espectaculares canaladuras (lapiaces) que van camudando col retorcimiento del resbalosu estratu.

La sienda verde, que siguiendo la llínea de mariña, xune Lluanco con Bañugues ye xuna de les meyores formes de conocer esta arrogante paraxa.