ACTUACIÓN A10.- Peatonalización Km. 0 de la senda costera de Lluanco al Cabu Peñes

Exa programática
4. Competitividá

El proyectu fundaméntase na necesidá de reurbanizar y de recuperar pal peatón el tramu inicial de la Senda Costera qu’enllaza’l nucleu de Lluanco col Cabu Peñes, tresformando les cais Xixón y La Obligada, la Plaza del Doctor Cors y l’Avenida Palacio Valdés nuna plataforma de prioridá peatonal.
Partiendo d’una situación inicial carauterizada pol dominiu del tráficu motorizáu, por aceres estreches que menguaben l’accesibilidá, por confluencies viaries conflictives y pola presencia de redes de servicios obsoletes o dispuestes de forma aérea sobre les fachaes, la obra téunica consistió na renovación integral de más de tres mil doscientos metros cuadraos d’espaciu públicu.
Pa materializar esta tresformación urbana, procedióse a la demolición de los firmes asfálticos y de formigón preesistentes pa construir una nueva sección viaria de plataforma a cota única qu’elimina les barreres arquiteutóniques. La pavimentación resolvióse per aciu d’una cuidada combinación de baldoses y adoquines de piedra natural nes zones de mayor valor representativu, complementada na calzada de la cai Xixón con un firme continuu de mestura bituminosa impresa n’imitación adoquín y acabáu en resina protectora.
De forma paralela a la intervención en superficie, l’actuación abordó una fonda modernización del sosuelu, qu’incluyó’l soterramientu de les redes de telecomunicaciones y de lletricidá, la renovación completa de les infraestructures d’abastecimientu d’agua (con nueves acometíes de doble válvula) y de saneamientu, y la execución de les canalizaciones y cimentaciones necesaries pa la rede d’alumbráu públicu. La obra finalizó cola instalación de nueva señalización y cola dotación de mobiliariu urbanu y axardinamientu.

A10.1.- Proyectu, Direición Facultativa y Coordinación SS de “Peatonalización del Km.0 de la senda costera de Lluanco al Cabu Peñes”

• Espediente de contratación: CON/2024/81
• Llicitación Plataforma de Contratación del Estáu: https://contrataciondelestado.es/wps/poc?uri=deeplink:detalle_licitacion&idEvl=HZkUMesrTan%2Fa9DgO%2BoYKQ%3D%3D
• Axudicación: SOCIEDAD DE PROYECTOS HEVIA S.L.
• Importe d’axudicación: 17.422,79 €
• Plazu d’execución: 50 díes (entrega del proyectu)
• Execución de los trabayos: finalizaos

A10.2.- Obres de “Peatonalización del Km.0 de la senda costera de Lluanco al Cabu Peñes”

• Espediente de contratación: CON/2024/85
• Licitación Plataforma de Contratación del Estado: https://contrataciondelestado.es/wps/poc?uri=deeplink:detalle_licitacion&idEvl=7O5FFf5y5XXpxJFXpLZ%2B2A%3D%3D
• Axudicación: ALVARGONZÁLEZ CONTRATAS S.A.
• Importe d’execución: 559.950,74 €
• Plazu d’execución: 6 meses
• Ejecución de los trabajos: finalizados