ACTUACIÓN A05.- Recuperación, adecuación y meyora de la senda costera Lluanco – Cabu Peñes
Exa programática
2. Meyora de la Eficiencia Enerxética
La senda costera ye una infraestructura que permite la movilidá non motorizada y qu’ufre grandes vistes a la mar con paisaxes bien preservaos, cantiles, playes, sistemes dunares y una gran riqueza de fauna y flora, con dellos puntos d’observación d’aves mui reconocíos polos interesaos na temática.
L’oxetivu de l’actuación ye convertir esta senda costera nuna senda ciclable, enfocada tanto al senderista como al ciclista, que, potenciando’l so gran valor paisaxísticu y natural, pueda atrayer visitantes nacionales y internacionales. Anguaño, dellos tramos yá son ciclables, otros riquen dalgún porteo y otros, pola orografía, presenten muncha más dificultá pal ciclista, polo qu’esisten rutes paraleles o cercanes a la senda que tán ensin adecuar nin señalizar.
Pol usu y pol pasu del tiempu, la senda costera taba deteriorada, polo que se llevaron a cabo les obres necesaries pa la recuperación, la estabilización y la puesta en valor de la senda costera esistente.
La intervención centróse en garantizar la seguridá de los usuarios, en meyorar la resiliencia de la infraestructura frente a la erosión hídrica y l’ambiente marín, y n’enriquecer la esperiencia turística sostenible per aciu de la meyora de l’accesibilidá, del mobiliariu y de la homologación correcta del trazáu.
Les actuaciones adautáronse a la topografía y a les necesidaes reales del terrenu, y executáronse intervenciones tanto llineales como puntuales sobre la traza esistente. En materia de viales y firmes, fixéronse trabayos de desbroce y de retirada d’argayos pa recuperar l’anchor útil, amás del rasantéu, la compautación y l’aporte de material nos tramos dañaos. Al empar, abriéronse nuevos senderos segregaos del tráficu rodáu na carretera GO-1, renovóse la capa de rodadura nel vial de Bañugues y renaturalizóse parcialmente l’aparcamientu de Moniello pa restrinxir el pasu desordenáu de vehículos.
Pa la estabilización del terrenu y la xestión del drenaxe, llimpiáronse y perfiláronse cunetes y executáronse nuevos badenes que previenen la erosión hídrica y conducen les agües pluviales. Estes midíes compleméntaronse con subbases de piedra en zones que s’encharquen y cola construcción de muros d’escollera na GO-1 y nel regueru de La Cueva p’asegurar la estabilidá de la plataforma y de los sos taludes.
Pa terminar, no que cinca a equipamientos y señalización, fízose un saneamientu integral de les estructures de madera per aciu de llimpieza, hidrolaváu, tratamientu con lasur y reposición de barandielles, escaleres y peldaños en puntos con riesgu de cayida. Instaláronse nueves pasareles sobre cauces d’agua y bancos rústicos en zones de descansu. Finalmente, implantóse una señalética direicional y interpretativa aliniada colos criterios de la FEDME y col manual “Senderos de Asturias” pa la so homologación por parte de la FEMPA, xunto con señalización viaria en Moniello pa ordenar el tráficu.
A05.1.- Proyectu, Direición Facultativa y Coordinación SS de “Recuperación, adecuación y meyora de la senda costera Lluanco-Cabu Peñes”
• Espediente de contratación: CON/2024/62
• Llicitación Plataforma de Contratación del Estáu: https://contrataciondelestado.es/wps/poc?uri=deeplink:detalle_licitacion&idEvl=UpNTQV3N7jFJ8Trn0ZPzLw%3D%3D
• Axudicación: TALAVERA QUINTERO INGENIEROS S.R.L.
• Importe d’axudicación: 22.869,00 €
• Plazu d’execución: 50 díes (entrega del proyectu)
• Execución de los trabayos: finalizaos
A05.2.- Obres de “Recuperación, adecuación y meyora de la senda costera Lluanco-Cabu Peñes”
• Espediente de contratación: CON/2024/84
• Llicitación Plataforma de Contratación del Estáu: https://contrataciondelestado.es/wps/poc?uri=deeplink:detalle_licitacion&idEvl=EFB0rzELOL2sNfRW6APEDw%3D%3D
• Axudicación: DESARROLLOS Y METAS S.L.
• Importe d’execución: 327.157,91 €
• Plazu d’execución: 6 meses
• Execución de los trabayos: finalizaos