ACTUACIÓN A01.- Acondicionamientu de parcela pa la creación d’un itinerariu peatonal d’accesu a la playa de Verdicio
Actuación
A01. REHABILITACIÓN DEL ECOSISTEMA DUNAR NES PLAYES DEL CORREDOR ECOLÓXICU LLUANCO – CABU PEÑES.
Exa programática
1. Transición Verde y Sostenible
La parcela oxetu d’actuación presentaba una situación de degradación ambiental derivada del so usu como área d’estacionamientu descontroláu y irregular. Esta situación xeneraba impactos negativos significativos sobre’l fráxil ecosistema dunar, erosión del suelu y escorrentíes incontrolaes, asina como una falta total de seguridá viaria y peatonal pa los visitantes qu’accedíen a la playa. Amás, la parcela nun tenía condiciones d’accesibilidá.
L’oxetivu de l’actuación ye la creación d’un itinerariu peatonal d’accesu a la playa de Verdicio que guíe a los usuarios pa torgar el tránsitu pela duna y que meyore la ordenación de los fluxos pa evitar que se deteriore l’espaciu natural y, en concreto, el sistema dunar.
La parcela aprovecha’l diseñu del itinerariu peatonal y la llocalización de la caseta de salvamentu pa organizar y llendar l’accesu rodáu al espaciu, de manera que se respete’l deslinde del Dominiu Públicu Marítimu Terrestre y la servidume de tránsitu, y que se protexa l’espaciu d’usos indebíos.
L’actuación consistió na recuperación ambiental de la parcela, cola eliminación del aparcamientu descontroláu per aciu del zarramientu/delimitación natural y de la restauración del hábitat. En paralelo, dotóse a la zona d’un itinerariu peatonal seguru, integráu paisaxísticamente, que canaliza’l fluxu de visitantes escontra la playa y protexe l’entornu natural. Al empar, habilitáronse places d’aparcamientu reservaes en esclusiva pa persones con movilidá amenorgada (PMR), señalizaes y pavimentaes como correspuende.
A01.1.- Proyectu, Direición Facultativa y Coordinación SS d’”Acondicionamientu de parcela pa la creación d’un itinerariu peatonal a la Playa de Verdicio”
- Espediente de contratación: CON/2025/6
- Llicitación Plataforma de Contratación del Estáu: https://contrataciondelestado.es/wps/poc?uri=deeplink:detalle_licitacion&idEvl=zqtWndwEFwLs%2BnLj3vAg5A%3D%3D
- Axudicación: SOCIEDÁ DE PROYECTOS HEVIA S.L.
- Importe d’axudicación: 10.890,00 €
- Plazu d’execución: 40 díes (entrega del proyectu)
- Execución de los trabayos: finalizaos
A01.2.- Obres d’”Acondicionamientu de parcela pa la creación d’un itinerariu peatonal a la Playa de Verdicio”
- Espediente de contratación: CON/2024/86
- Llicitación Plataforma de Contratación del Estáu: https://contrataciondelestado.es/wps/poc?uri=deeplink:detalle_licitacion&idEvl=XkFdhl6QLRGcTfjQf3USOg%3D%3D
- Axudicación: EXCAVACIONES ALLENDE Y JARDINOR S.L.
- Importe d’execución: 90.226,94 €
- Plazu d’execución: 3 meses
- Execución de los trabayos: finalizaos