ACTIVIDÁ A03.Ac1.- Adecuación de la charca d’avituallamientu d’aves nel Corredor Ecolóxicu Lluanco – Cabu Peñes

Actuación
A03. MEYORA MIRADOR ORNITOLÓXICU NEL CORREDOR ECOLÓXICU LLUANCO – CABU PEÑES

Exa programática
1. Transición Verde y Sostenible

Adquisición direuta d’una parcela concreta asitiada nel entornu del Cabu Peñes, col fin d’acondicionala como charca d’avituallamientu d’aves.

Los cuerpos d’agua pequeños resulten necesarios, yá que fomenten la biodiversidá y actúen como elementos paisaxísticos clave pa caltener comunidaes d’aves, que los usen tanto pa añerar como de puntu de descansu intermediu cuando tán inmerses nes grandes migraciones.

Trátase d’un espaciu con condiciones d’agua favorables pa la creación d’un humedal artificial estable, que supla una carencia deteutada nel área: la inesistencia de charques naturales permanentes que sirvan como puntos d’abastecimientu a lo llargo de tol añu.
La llocalización de la parcela tien especial interés por tar coneutada direutamente cola senda costera esistente, lo que va permitir la so integración n’itinerarios de turismu de naturaleza, d’educación ambiental y d’observación ornitolóxica, y va favorecer la sensibilización ciudadana y la diversificación de la ufierta turística del conceyu.

Esti corredor ye una pieza clave pa la conectividá ecolóxica ente’l nucleu de Lluanco y el Paisaxe Protexíu del Cabu Peñes. La creación d’una zona húmeda artificial (charca) va actuar como puntu de parada, hidratación y alimentación pa l’avifauna migratoria y residente, va potenciar la funcionalidá del corredor y va compensar la perda de humedales naturales na zona.

L’adquisición del terrenu constitúi’l presupuestu material necesariu pa que la Direición Xeneral de Custodia del Territoriu, organismu autonómicu competente, execute con financiamientu propiu complementariu les actuaciones d’adecuación ambiental previstes, que consisten na creación d’una charca d’avituallamientu pa aves migratories y na instalación d’un observatoriu ornitolóxicu integráu paisaxísticamente nel entornu.

• Valoración: 13.741,86 €

• Situación actual: Adquirida