ACTIVIDÁ A06.Ac2.- Adquisición de medios de tresporte sostenibles

Actuación
A06. MOVILIDÁ SOSTENIBLE Y ACCESIBILIDÁ DEL CABU PEÑES – LLUANCO

Exe programáticu
2. Meyora de la Eficiencia Enerxética

L’actuación surde col oxetivu prioritariu de tresformar el modelu de movilidá nel destín y d’amenorgar la grave saturación que provoquen los fluxos de tráficu priváu na dómina braniega nel espaciu natural protexíu del Cabu Peñes y nes sos playes axacentes. La propuesta busca articular una alternativa de tresporte públicu coleutivu llimpiu y eficiente qu’amenorgue de forma drástica les emisiones contaminantes y la contaminación acústica nun entornu ecolóxicamente fráxil, que meyore la calidá de vida de los residentes y que-y devuelva al visitante una esperiencia turística sosegada y respetuosa col mediu ambiente.
Pa materializar esti nuevu esquema de tresporte cero emisiones, la obra téunica y d’equipamientu consistió na adquisición de dos furgonetes monovolume 100% llétriques, modelu Volkswagen ID. Buzz Pro de batalla llarga, configuraes con 7 asientos caúna pa algamar una capacidá conxunta de tresporte de 12 pasaxeros por trayeutu. Estos vehículos cunten con un motor llétricu de 210 KW (286 CV) alimentáu por una batería d’alta tensión de 86 KWh netos (91Kwh brutos), qu’ufre una autonomía homologada d’hasta 467 Km. Tienen una eficiencia enerxética de 20,39 KWh / 100 Km. y un nivel nulu d’emisiones direutes de gases d’efeutu ivernaderu (0 g/Km de CO2, col distintivu ambiental “0 Emisiones” de la DGT).

• Espediente de contratación: CON/2024/76
• Llicitación Plataforma de Contratación del Estáu: https://contrataciondelestado.es/wps/poc?uri=deeplink:detalle_licitacion&idEvl=ia%2FMabfzThvjHF5qKI4aaw%3D%3D
• Axudicación: ASTURIAS PÉREZ RUMBAO S.L.
• Importe d’axudicación: 124.160,60 €
• Plazu d’entrega: 8 meses
• Execución del suministru: finalizáu