ACTIVIDÁ A07.Ac1.- Dixitalización per aciu de sensorización pal contéu d’usuarios de la senda costera Lluanco – Cabu Peñes
Actuación
A07. CONTROL D’ACCESOS AL CABU PEÑES
Exa programática
3. Transición dixital
La presente actividá, enmarcada na llinia estratéxica de Transición Dixital del Plan de Sostenibilidá Turística en Destín (PSTD) de Gozón, surde de la necesidá de dotar al conceyu de ferramientes teunolóxiques avanzaes pa la monitorización, la ordenación y la xestión intelixente de los fluxos turísticos.
Con especial focu nel Paisaxe Protexíu del Cabu Peñes (integráu na Rede Natura 2000) y na so conexón col nucleu urbanu de Lluanco, el proyectu puso en marcha un ecosistema integral de hardware y software empobináu a amenorgar la masificación de vehículos, a protexer l’entornu natural y a asitiar les bases d’un Destín Turísticu Intelixente (DTI) fundamentáu na gobernanza de datos (data-driven).
Llevóse a cabo’l suministru, la instalación y la puesta en marcha d’una rede de cuatro (4) sensores autónomos (Nodos Seeketing) a lo llargo del trazáu de la senda costera, asitiaos específicamente nel Área recreativa de Moniello, na Playa de Bañugues, nel Aparcamientu disuasoriu del Cabu Peñes y nel Centru d’Interpretación del Paisaxe Protexíu. Estos preseos capten de forma pasiva les señales de los preseos móviles (WiFi/Bluetooth), lo que permite midir el volume de visitantes, los fluxos de movimientu, los tiempos d’estancia y los patrones estacionales. Pa respetar les restricciones ambientales del espaciu protexíu (que nun tien rede llétrica en dellos puntos), el sensor del aparcamientu dotóse d’un sistema d’alimentación solar autónomu (panel de 100W, controlador de carga 30A y batería AGM de 12V 9Ah). Tol sistema garantiza l’anonimización irreversible de los datos n’orixe (per aciu de hashing de direiciones MAC), y cumple estrictamente col RGPD y cola LOPDGDD.
- Espediente de contratación: CON/2025/56
- Llicitación Plataforma de Contratación del Estáu: https://contrataciondelestado.es/wps/poc?uri=deeplink:detalle_licitacion&idEvl=cHakcHizHWzyoM4us5k4vw%3D%3D
- Axudicación: SEEKETING S.L.
- Importe d’axudicación: 37.966,42 €
- Plazu d’entrega: 3 meses
- Execución de los trabayos: finalizaos