ACTIVIDÁ A08.Ac2.- Llicencia de plataforma de xestión y comercialización de reserves en llinia pa los recursos turísticos del Conceyu de Gozón
Actuación
A08. CREACIÓN DE MARCA Y MARKETING DIXITAL
Exa programática
3. Transición dixital
L’actividá contempló’l diseñu, el desendolcu, l’espliegue y la integración funcional d’una Plataforma Dixital de Xestión y Comercialización de Reserves en Llinia, integrada dafechu dientro de la estructura y del dominiu principal de www.turismogozon.es. Esta plataforma teunolóxica desendolcóse p’abordar de manera preventiva el retu de la saturación de visitantes y pa xestionar de forma eficiente la capacidá d’acoyida nos espacios de mayor fraxilidá ambiental y patrimonial del conceyu.
El sistema anició la so operativa formal regulando l’accesu a dos activos estratéxicos del conceyu:
– Aparcamientu disuasoriu del Cabu Peñes.
– Muséu Marítimu d’Asturies.
El so oxetivu ye l’adquisición y la reserva anticipada de places d’aparcamientu y entraes, el control y la monitorización d’aforos en tiempu real, la emisión automatizada de tiques dixitales con códigu QR y el cobru electrónicu per aciu d’una pasarela de pagu segura ensin intermediación de terceros. Amás, el software capta y procesa de forma anónima datos agregaos sobre patrones de comportamientu, tiempos d’estancia, procedencia xeográfica y picos de demanda. L’arquiteutura téunica de la plataforma concibióse baxo un modelu modular y altamente escalable, preparáu teunolóxicamente pa la so futura integración con sistemes físicos de control d’accesos, asina como pa la incorporación gradual de nuevos equipamientos, espacios naturales, eventos culturales o esperiencies turístiques promovíes tanto pol conceyu como pol texíu empresarial llocal.
- Espediente de contratación: CON/2026/15
- Llicitación Plataforma de Contratación del Estáu: https://contrataciondelestado.es/wps/poc?uri=deeplink:detalle_licitacion&idEvl=5v50WYHQQouGCFcHcNGIlQ%3D%3D
- Axudicación: MISTERPLAN S.L.
- Importe d’axudicación: 14.100,00 €
- Ejecución de los trabajos: finalizados