Ruta pol núcleu urbanu de Lluanco
Introducción al percorríu
Nel siguiente percorríu vamos visitar los llugares d’interés turísticu y cultural de los que podemos esfrutar na Villa Marinera de Lluanco , capital del Conceyu de Gozón, en tola so estensión. Vamos Empecipiar el percorríu nel Mirador qu’hai sobro la Sablera de Samarincha, dende onde vamos poder esfrutar d’una impresionante vista de Lluanco , vamos percorrer les sos sableres urbanes, la de La Ribera y la de Santo Marina , ésta última la más turística y allugada al llau de la Ilesia parroquial.
Patrimoniu históricu y arquitectónicu
Vamos Visitar los sos edificios con más hestoria, La Torre del Reló, EL Palaciu Menéndez Pola, La Ilesia de Santa María de Lluanco, toos ellos d’estilu o con elementos del Barrocu, y otros como La Casa Mori d’estilu Modernista.
La tradición marinera de Lluanco
Enfusaremos nel Lluanco más Marineru mientres el percorríu pola so fachada marítima visitando el Muelle , la Cai La Riba y La Plaza La Baragaña, onde vamos poder faenos xuna idea de cómo yeren les cases de los marineros con el so corredores típicos asturianos y el so coloríu , amás de poder parar a faer un curtiu descansu en llugares llenos d’hestoria como el Mirador de Pilatos en plenu Cascu Históricu de la Villa .
Miradores y vistas panorámiques
Si averamos a la Área Recreativa de La Mofosa vamos poder contemplar la Villa Marinera dende el llau contrariu al Mirador de La Sablera de Samarincha, contemplando el nuevu Puertu Pesqueru Deportivu , la Sablera de la Marina….
Muséu Marítimu d’Asturies
Y a lo último, pero non menos importante , atoparemos col Muséu Marítimu d’Asturies, “de visita obligada”, decanu de los Museos del Principáu , fundáu en 1.948, y que s’atopa nel actual allugamientu dende l’añu 2.000. El Muséu ta integráu por distintes sales qu’alluguen esposiciones de gran calidá sobro Biología Marina , Carpintería de Ribera , Pesca , Hestoria del Saléu y otres esposiciones temporales.
Xuna esperiencia pa conocer Lluanco
L’itinerariu plantegáu pola Villa Marinera de Lluanco pretende ser xuna esperiencia amena y enriquecedora que te dexe conocer un pocu más la hestoria ya idiosincrasia local al traviés de los sos principales recursos turísticos y culturales.
