Sablera del Dique

Sablera semiurbana de sable doráu y grava .

Xunida en baxamar a L’Aramar, el so nome vien-y del dique que cerraba un pequenu puertu onde entá güei vense los restos d’un antiguu y artesanal estelleru , unu de los de mayor relevancia de la villa de Lluanco , xusto onde desagua el regueru de Cañeo.

Ello ye que el Dique y L’Aramar fueron testigos de les actividaes de los primeros balleneros de la villa, como asina lo acoten los restos de güesos de cetáceos atopaos na sablera de la Ribera.

El conxuntu de dambes cales ye unu de los llugares con más encantu de la zona, con grandes árboles en cantu mesmu de la sablera.