Muséu Marítimu d’Asturies
Fundáu en 1948 pol Conceyu de Gozón, ye el decanu de los museos asturianos.
Ta dedicáu a la recoyida, catalogación, caltenimientu, estudiu y esposición de too tipu de materiales y documentos rellacionaos cola actividá marítima, considerada esta en toles sos manifestaciones. La gran variedá d’oxetos que constitúi el so conteníu failo curiosu y entreteníu.
Esti muséu forma parte del Sistema de Museos del Principáu y de la Rede de Museos Etnográficos d’Asturies, participando n’actividaes comunes colos demás componentes de la Rede de la rexón.
Oxetivos
Ta dedicáu a l’actividá marítima nes sos múltiples manifestaciones. Esti equipamientu , que la so esistencia respuende a la molición qu’hai n’Asturies pel mundu marín, apurre xuna completa visión de les distintes actividaes, documentación, bibliografía ya imaxes de la vida marítima .
Ta estremáu en cuatro secciones:
- Bioloxía marina. Sirve d’introducción al mediu marín. Nella esponen numberosos especímenes de la fauna y flora marines, dende los fósiles que nos falen de la vida fai millones d’años hasta los que pueden vese vivos y coleando nos acuarios.
- Carpintería de ribera. Amuesa el procesu de construcción de les tradicionales embarcaciones de madera, esponiendo fotografíes, planos, plantiyes, ferramientes y demás preseos propios d’esti difícil oficiu.
- Pesca tradicional. Esposición complementaria de l’anterior y que dexa conocer cómo los nuesos antepasaos procurábense el sustentu. Nella esíbense apareyos y artes de pesca, acompañaos d’embarcaciones y numberosos complementos, como ancles, indumentaria, cestería, etc.
- Hestoria del saléu. Cola esposición de más de mediu centenar de maquetes, amuésase la evolución formal de los barcos, dende l’Antigüedá a los nuesos díes. Dedica espacios al salvamentu marítimu, a l’Armada española y a la marina mercante asturiana.
Espónse, amás, xuna amplia colección d’iconografía marítima en materiales diversos (cerámica, marfil, cristal), según amueses d’arte popular, barcos de xuguete y otros elementos figurativos de tema marina.
Dispon de biblioteca especializada y arquivu documental.
